МЧС Беларуси
МЧС Беларуси
Учреждение Могилевское областное управление МЧС Республики Беларусь
- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Дашкаляты ў гасцях у ратавальнікаў. Клічаў
Выхаванцы дзіцячага сада № 1 наведалі пажарную часць № 1 Клічаўскага раённага аддзела па надзвычайных сітуацыях, дзе пазнаёміліся з буднямі ратавальнікаў, пажарнай тэхнікай і абсталяваннем.
Малышы на занятках з выхавацелямі, падчас сустрэч з інспектарамі МНС чуюць шмат гісторый аб аказанні дапамогі і выратаванні людзей з надзвычайных сітуацый, таму ўбачыць сваімі вачыма, дзе працуюць людзі гэтай прафесіі, вялікая радасць для кожнага дзіцяці.
Падчас экскурсіі дзецям рассказалі, што гульні з агнём небяспечны. Ратавальнікі нагадалі нумары экстранных службаў. Хлопчыкам і дзяўчынкам паказалі памяшканні пажарнай часці, у якіх ратавальнікі навучаюцца, прымаюць ежу, займаюцца спортам, пасля чаго дзяцей запрасілі ў гараж.
У гаражы выхаванцам дзіцячага сада распавялі пра прызначэнне машын, паказалі інструменты, а таксама прапанавалі прымерыць некаторыя элементы адзення ратавальнікаў і пасядзець у аўтамабілі.
Дзеці атрымалі не толькі незабыўныя ўражанні, але і шмат карыснай інфармацыі. Дашкаляты паабяцалі ратавальнікам выконваць правілы бяспекі.
Будь готов
Другие новости
