Учреждение Могилевское областное управление МЧС Республики Беларусь
- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Экскурсія да кіраўскіх выратавальнікаў
У рамках рэспубліканскай акцыі «Канікулы без дыму і агню!» школьнікі наведалі Кіраўскі раённы аддзел па надзвычайных сітуацыях.
У адзін з летніх ясных дзянькоў чэрвеня навучэнцы ДУА «Паўлавіцкая сярэдняя школа імя Г.А. Худалеева» прыехалі ў госці да вогнеборцаў.
Работнікі МНС пазнаёмілі дзяцей з працоўнымі буднямі выратавальнікаў, распавялі пра службу работнікаў МНС, паказалі тэхніку і спецыяльнае пажарнае абсталяванне. Кожны на сябе змог прымерыць баявую вопратку, каску выратавальніка, пасядзець у аўтамабілях.
А галоўным пытаннем для хлопцаў стаў: «Куды ж паступаюць усе званкі аб дапамозе?». Адказ не прымусіў доўга чакаць хлапцоў. Школьнікі азнаёміліся з рабочым месцам дыспетчара цэнтра аператыўнага і яго асноўныя абавязкі.
Акрамя ўсяго, выратавальнікі нагадалі дзецям аб асноўных правілах бяспекі, у тым ліку ў летні канікулярны перыяд - правілы бяспечных паводзін на вадаёмах.
У завяршэнне сустрэчы кожны юны ўдзельнік мерапрыемства змог адчуць сябе ў ролі выратавальніка, падаючы ваду ад пажарнага аўтамабіля.