МЧС Беларуси
МЧС Беларуси
Учреждение Могилевское областное управление МЧС Республики Беларусь
- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Лепшы па прафесіі. Кіраўск
Кіраўскія выратавальнікі прынялі ўдзел у злёце перадавікоў.
Традыцыйны злёт перадавікоў сабраў у Кіраўскім раённым Доме культуры лепшых працаўнікоў прадпрыемстваў, арганізацый і ўстаноў, якія сваёй штодзённай працай уносяць важкі і значны ўклад у сацыяльна-эканамічнае развіццё раёна і ўсёй краіны.
Па традыцыі ў гэты дзень на святочную сцэну па чарзе падымаліся пераможцы спаборніцтваў у розных галінах і сферах дзейнасці, а таксама пераможцы ў намінацыі «Лепшы па прафесіі». Не засталіся ў баку і работнікі Кіраўскага раённага аддзела па надзвычайных сітуацыях, якія таксама былі адзначаны ў ліку лепшых жыхароў раёна.
Па выніках работы за 2023 год сярод работнікаў вядучых прафесій арганізацый Кіраўскага раёна «Лепшы па прафесіі» з прысваеннем звання «Лепшы работнік аддзела па надзвычайных сітуацыях» і занясеннем на раённую Дошку гонару прызнаны Антон Русецкі, начальнік дзяжурнай змены пажарнай аварыйна-выратавальнай часці №1. Заслужаную ўзнагароду яму ўручыла старшыня раённага выканаўчага камітэта Галіна Слабоднікава.
На гэтым мерапрыемстве працавала выстава прадпрыемстваў і ўстаноў раёна з дэгустацыяй прадукцыі вядучых вытворцаў, таксама выступіў аркестр народных інструментаў дзіцячай музычнай школы мастацтваў, а затым адбыўся канцэрт творчых калектываў устаноў культуры раёна.
Была арганізавана тэматычная выстава і раённага аддзела па надзвычайных сітуацыях, на якой прысутныя змаглі азнаёміцца з гісторыяй станаўлення і дасягненнямі падраздзялення, а таксама ўспомніць асноўныя правілы бяспекі.
Будь готов
Другие новости
