- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Небяспечная прагулка
Учора вечарам выратавальнікам патэлефанавалі усхваляваныя жыхары Магілёва і паведамілі, што па лёдзе на затоцы ракі Днепр гуляюць дзеці.
На месца неадкладна выехалі супрацоўнікі пажарнага аварыйна-выратавальнага атрада Магілёўскага абласнога ўпраўлення МНС. У раёне вуліцы Фаціна, бліжэй да аутамабільнага маста, выратавальнікі ўбачылі дзвюх дзяўчынак. Вучаніцы 7 класа адной з гарадскіх школ выбралі для прагулкі менавіта гэтае небяспечнае месца.
Выратавальнікі адвялі дзяцей на бераг і праінструктавалі аб правілах паводзін на зімовым вадаёме і небяспечнасці гульняў на лёдзе.
Штодня нагадвайце дзецям правілы бяспечных паводзін.
Растлумачце дзецям, у чым небяспека лёду.
Нельга:
выходзіць на лед, гуляць на лёдзе;
правяраць трываласць леду ударам нагі;
катацца на каньках.
Вучыць дзяцей катацца на каньках трэба толькі на спецыяльна абсталяваных лёдавых пляцоўках!
Будзьце пракладам для сваіх дзяцей, выконвайце правілы бяспекі перш за ўсё самі!