МЧС Беларуси
МЧС Беларуси
Учреждение Могилевское областное управление МЧС Республики Беларусь
- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Выхаваць дзіця - не поле перайсці... Магілёў
Бацькі, якія прыйшлі на сход у ДУА «Сацыяльна-педагагічны цэнтр Кастрычніцкага раёна г. Магілёва», на вялікі жаль, не могуць горда заяўляць, што не пакідаюць дзяцей адных. Гэтыя гора-бацькі цяпер сустракаюцца са сваімі дзецьмі яшчэ радзей. І гэта адбываецца ў прытулку, дзе менавіта па віне нядбайных тат і мам апынуліся некалі любімыя сыны і дочкі ...
Прафілактычныя мерапрыемствы акцыі «Не пакідайце дзяцей адных» накіраваны на сумеснае вывучэнне бацькамі і дзецьмі правілаў бяспекі. Але ў дадзеным выпадку работнікі МНС і БДПТ правялі прафілактычную гутарку ў закрытым фармаце, прыводзячы канкрэтныя прыклады гібелі дзяцей, называючы іх імёны і ўзрост, а таксама дзе і чым займаліся ў той трагічны момант дарослыя, адказныя за жыцці малых.
Красамоўным заклікам «Не пакідайце дзяцей адных!» стаў і фільм студыі МНС, у якім са слязамі на вачах ужо былыя бацькі распавядалі пра сваіх загінулых дзяцей.
Працягнулася сустрэча вывучэннем правілаў, якія могуць прадухіліць трагедыі ў сем'ях.
Выратавальнікі пагутарылі з выхаванцамі прытулку, прапанаваўшы малым паўдзельнічаць у навучальных гульнях і нават у танцах, паглядзелі разам мультфільм «Спецатрад 112». Такім чынам замацавалі веды па асновах бяспекі жыццядзейнасці. А тэматычныя падарункі сталі ўзнагародай за актыўны ўдзел у конкурсах акцыі «Не пакідайце дзяцей адных!».
Будь готов
Другие новости
