- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Праведзены вучэбна-метадычны занятак
У мерапрыемстве прынялі ўдзел намеснік старшыні Магілёўскага выканаўчага камітэта, старшыня камісіі па надзвычайных сітуацыях Вiталь Старчанка, начальнік Магілёўскага раённага аддзела па надзвычайных сітуацыях Анатоль Касцюкоў i старэйшы інжынер сектара арганiзацыi функцыянавання дзяржаўнай сістэмы папярэджання і ліквідацыі надзвычайных сітуацый і грамадзянскай абароны Магілёўскага РАНС Дзяніс Лескавец. Да прысутных былі даведзены патрабаванні арганізацыйна-метадычных указанняў па падрыхтоўцы органаў кіравання і сіл Магілёўскага раённага звяна Магілёўскай тэрытарыяльнай падсістэмы Дзяржаўнай сістэмы папярэджання і ліквідацыі надзвычайных сітуацый і грамадзянскай абароны на 2022 г., а таксама падведзены вынікі працы за мінулы год.
Таксама прысутным даведзены:
- парадак прадастаўлення інфармацыі ў адпаведнасці з патрабаваннямі пастановы Савета Міністраў Рэспублікі Беларусь ад 23 жніўня 2001 г. №1280 "Аб парадку збору інфармацыі ў галіне абароны насельніцтва і тэрыторый ад надзвычайных сітуацый прыроднага і тэхнагеннага характару і абмену гэтай інфармацыяй»;
- парадак дзеянняў пры сігнале «Увага ўсім!» i пра неабходнасць правядзення дадатковых заняткаў з работнікамі арганізацый па веданні дзеянняў пры дадзеным сігнале.
Па выніках семінара разгледжаны пытаннi, якія стаяць на парадку дня і вызначаны мерапрыемствы на бліжэйшую перспектыву.