- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Змяняем цыгарэту на цукерку! Круглае
«Змяняем цыгарэту на цукерку!» - менавіта пад такім дэвізам адбылася сустрэча працаўнікоў Круглянскага раённага аддзела па надзвычайных сітуацыях з жыхарамі населеных пунктаў раёна.
У рамках акцыі "Не прапальвай сваё жыццё!" ратавальнікі адправіліся ў рэйд на тэрыторыі Запрудскага і Комсеніцкага сельсаветаў.
У месцах працы аўтакрамы ратавальнікі расказвалі мясцовым жыхарам аб пажарах у раёне і вобласці, аб правілах эксплуатацыі пячнога ацяплення і электрапрыбораў. Нагадалі аб тым, што самай распаўсюджанай прычынай узнікнення любой надзвычайнай сітуацыі з'яўляецца неасцярожнасць, бестурботнасць і нядбайнае стаўленне да ўласнай бяспекі. Асобна спыніліся на праблеме п'янства, курэння ў ложку, што часта прыводзіць да сумных наступстваў.
Расказваючы, як засцерагчы сябе і жыллё ад пажару, усім удзельнікам акцыі ратавальнікі раздавалі карысную наглядна-выяўленчую прадукцыю.