- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Бяспека з ясляў. Хоцімск
Для таго, каб дзеткі з малых гадоў выконвалі правілы пажарнай бяспекі і ведалі, як паводзіць сябе ў розных надзвычайных сітуацыях, работнікі Хоцімскага раённага аддзела па надзвычайных сітуацыях правялі прафілактычнае мерапрыемства ў ДУА «Яслі-сад аграгарадка Бярозкі» і ДУА «Яслі-сад аграгарадка Забялышын».
Падчас мерапрыемства работнікі МНС правялі гутарку з дзеткамі на тэму правілаў бяспечных паводзін у доме, на вуліцы. Для нагляднасці ратавальнікі выкарыстоўвалі серыю плакатаў "Даша ў краіне небяспек".
Таксама з хлопчыкамі і дзяўчынкамі быў адпрацаваны алгарытм правільных дзеянняў у выпадку пажара. Пры гэтым у кожнага дзіцяці была магчымасць прымяніць веды аб тым, як трэба тэлефанаваць у МНС і што пры гэтым казаць.
У завяршэнні мерапрыемства кожны з удзельнікаў акцыі атрымаў маляўнічыя размалёўкі.