- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Папярэдзіць, навучыць, абараніць! Магілёў
Што неабходна рабіць, каб не дапусціць узнікнення надзвычайных сітуацый, як неабходна дзейнічаць, калі такая сітуацыя здарылася, якім чынам арганізаваць бяспечны вольны час дзяцей і пра многае іншае даведваюцца работнікі прадпрыемстваў і арганізацый Магілёва падчас сустрэч з ратавальнікамі гарадскога аддзела па надзвычайных сітуацыях.
Асаблівая ўвага на такіх сустрэчах надаецца правілам пажарнай бяспекі ў домаўладаннях і на працоўным месцы, а таксама бяспекі дзяцей у летні перыяд.
Падчас размовы ратавальнікі нагадваюць прысутным не толькі аб неабходнасці ўстаноўкі аўтаномнага пажарнага апавяшчальніка, але і падтрыманне яго ў працаздольным стане.
Замацаваць атрыманыя веды дапамагае прагляд навучальных відэафільмаў і інфармацыйна насычаныя буклеты, якія ўручаюцца кожнаму прысутнаму.
А ў завяршэнні мерапрыемстваў праводзіцца прэзентацыя мабільнага дадатку "МНС Беларусі: дапамога побач" і друкаваных выданняў аб'яднанай рэдакцыі часопісаў "Служба выратавання» і "Юны выратавальнік".
Не застаюцца без увагі ратавальнікаў жыхары прыватнага сектара і жыхары шматпавярховак. Прама ў дварах і на вуліцах, на прыпыначных пунктах і на дзіцячых пляцоўках з дарослымі і дзецьмі работнікі МНС праводзяць дваровыя сходы "Лікбез па бяспецы", на якіх яшчэ і яшчэ раз нагадваюць правілы пажарнай бяспекі ў дамах і кватэрах, правілы паводзін на вадаёмах і ў лясах, і, вядома ж, заклікаюць да пастаяннага разумнага кантролю за дзецьмі і падлеткамі.