- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Канікулы без дыму і агню. Клічаў.
Інспектар сектара прапаганды і ўзаемадзеяння з грамадскасцю Юрый Караўка, як і належыць, сустрэў юных гасцей з займальнай праграмай. Спачатку кожны ўважліва азнаёміўся з аварыйна-выратавальнай тэхнікай, а менавіта з аўтацыстэрнай АЦ 10,0: з яе абсталяваннем і функцыянальным прызначэннем наяўнага на балансе абсталявання. Затым юным гасцям выпала магчымасць адпрацаваць некаторыя элементы пажарна-выратавальнага спорту, а менавіта ўздым на другі паверх вучэбна-трэніровачнай вежы і пераадолець 100 метровую паласу перашкод, праз высачэзны плот і да бясконцасці доўгі бум. Самае цікавае хлопцаў чакала наперадзе, тушэнне імправізаванага пажару: транспартны сродак трапіў у ДТЗ і адбылося ўзгаранне, дзякуючы суладнай працы юных ратавальнікаў агонь быў ліквідаваны за лічаныя хвіліны. Кульмінацыяй візіту стала знаёмства з архітэктурай малой формы «Пажарны Афанасій», па легендзе які можа зберагчы дом ад агню таго, хто патрымаецца за яго руку, а калі патрымаць за нос «пажарнага» і загадаць жаданне, то яно абавязкова збудзецца. Інспектар СПіУГ Клічаўскага РАНС Ю.В.Караўка