- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Ад маленькага вогнішча - вялікая бяда! Клічаў
З мэтай папярэджання пажараў, траўматызму і гібелі людзей ад іх па прычыне выпальвання сухой расліннасці работнікі Клічаўскага раённага аддзела па надзвычайных сітуацыях правялі інфармацыйна-тлумачальную гутарку з грамадзянамі населеных пунктаў раёна.
У ходзе гутаркі першы намеснік начальніка Клічаўскага РАНС Сяргей Стрыгун распавёў гаспадарам аб пажарах, якія адбыліся на тэрыторыі раёна і вобласці па прычыне неасцярожнага абыходжання з агнём, у прыватнасці пры спальванні смецця на прысядзібных участках, прывёў прыклады пажараў з гібеллю, вытокам якіх было банальнае спальванне смецця.
Сяргей Пятровіч даў рэкамендацыі па бяспечным навядзенні парадку, адзначыў, што выпальваць смецце не забаронена, але пры гэтым неабходна, у абавязковым парадку, выконваць патрабаванні заканадаўства аб пажарнай бяспецы, у прыватнасці не паліць вогнішча ў ветранае надвор'е, здзяйсняць пастаянны кантроль і наяўнасць пад рукой першасных сродкаў пажаратушэння.
Выратавальнік акцэнтаваў увагу гаспадароў, што выпальванне сухой расліннасці і травы на корані забаронена на заканадаўчым узроўні і парушальнікі могуць быць прыцягнуты да адміністрацыйнай адказнасці ў выглядзе штрафу ў памеры ад 10 да 40 базавых велічынь, уручыў інфармацыйныя лістоўкі і памяткі МНС.
Інспектар СПіУГ
Клічаўскага РАНС Ю.В.Караўка