- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
"Табакеркі" за бяспеку! Магілёў
Паўтара дзясятка магілёўскіх прыпынкаў на працягу літаральна некалькіх дзён ператварыліся з банальных пунктаў чакання транспарту ў месцы, дзе бавіць час да прыходу аўтобуса ці тралейбуса можна з карысцю. А менавіта, паўтарыць правілы бяспекі, дзякуючы маляўнічай інфармацыі, прадстаўленай у ненадакучлівай форме на панэлях прыпынкаў.
Аўтобусны прыпынак-месца, праз якое за дзень «праходзіць» велізарная колькасць людзей. Вядома ж, Магілёўскія ратавальнікі максімальна гэтым скарысталіся і далі магчымасць магілёўцам і гасцям горада ў хвіліны чакання «вывучаць» бяспечныя прыпынкі ад філіяла "Магілёў-тытунь" СЗАТ "Энерга-Оіл". Гэтая арганізацыя не толькі дала месцы размяшчэння Outdoor рэкламы сацыяльнай накіраванасці, але і адшукала магчымасць яе вырабу, разумеючы неабходнасць пастаяннага напамінку аб асабістай бяспецы і падтрыманні ў пажарабяспечным стане сваіх дамоў не толькі пасажырам грамадскага транспарту, але, перш за ўсё, пакупнікам "Табакерак", гандлёвыя аб'екты якіх з'яўляюцца часткамі канструкцый прыпыначных пунктаў.
Інспектар СПУГ Магілёўскага ГАНС
Э. А. Атрошкоў