- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Бяспечны Новы год! Дрыбін
Яркім завяршэннем другога этапу Рэспубліканскай акцыі «Бяспечны Новы год!» на Дрыбіншчыне стала правядзенне тэматычных мерапрыемстваў у Расненскай дапаможнай школе-інтэрнаце і ў домаўладаннях сем'яў, дзе дзеці знаходзяцца ў сацыяльна небяспечным становішчы.
Інспектар сектара прапаганды і ўзаемадзеяння з грамадскасцю Дрыбінскага раённага аддзела па надзвычайных сітуацыях Аляксандр Іваністаў разам з героямі мультфільма «Чароўная кніга МНС» правёў для навучэнцаў школы-інтэрната пазнавальную і забаўляльную праграму.
Дзеці даведваліся пра небяспекі піратэхнічных вырабаў, зімовых вадаёмаў, вучыліся бяспечна упрыгожваць навагоднюю елку і катацца на санках, цюбінгах.
Не абышлося і без цікавых конкурсаў, выдатнага настрою і, вядома ж, падарункаў.
А Дзед Мароз са Снягуркай наведалі дзяцей з праблемных сем'яў. Казачныя персанажы праводзілі для дарослых і дзяцей забаўляльныя конкурсы і віктарыны, падчас якіх удзельнікі акцыі даведаліся аб зімовых небяспеках і навучыліся правільна іх пазбягаць.
А за актыўны ўдзел Дзед Мароз уручыў дамачадцам памятныя падарункі.
Інспектар СПіУГ
Дрыбінскага РАНС
Іваністаў Аляксандр