МЧС Беларуси
МЧС Беларуси
Учреждение Могилевское областное управление МЧС Республики Беларусь
- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
«Бяспечная» сустрэча. Клічаў
Работнікі раённага аддзела па надзвычайных сітуацыях сумесна з прадстаўнікамі ўстановы «Клічаўскі раённы цэнтр сацыяльнага абслугоўвання насельніцтва» арганізавалі сустрэчу з грамадзянамі сталага ўзросту.
Месца сустрэчы абрана не выпадкова - кабінет па навучанні асновам бяспекі жыццядзейнасці, размешчаны ў дзяржаўнай установе дадатковай адукацыі «Клічаўскі цэнтр дадатковай адукацыі дзяцей і моладзі».
Інспектар сектара прапаганды і ўзаемадзеяння з грамадскасцю Юрый Караўка расказаў гасцям аб абстаноўцы з пажарамі на тэрыторыі раёна і вобласці, пазначыўшы асноўныя прычыны іх узнікнення. Інспектар адзначыў, што ў большасці выпадкаў закладнікамі надзвычайных сітуацый з'яўляюцца грамадзяне сталага ўзросту. Менавіта таму падобныя сустрэчы актуальныя.
Затым Юрый Уладзіміравіч распавёў аб усіх кутках бяспекі наяўных у кабінеце АБЖ, а госці дзяліліся сваім жыццёвым вопытам, пра тое ў якіх надзвычайных сітуацыях яны пабывалі і як знайшлі з іх бяспечны выхад.
Інспектар СПіУГ
Клічаўскага РАНС Ю.В.Караўка
Будь готов
Другие новости
