- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Канiкулы без дыму і агню. Магілёўскі раён
У Магілёўскім раёне праходзiць акцыя «Канікулы без дыму і агню». У летнім лагеры з дзённым знаходжаннем дзяцей «Крынічка» пры Кадзiнскай школе выратавальнікі Магілёўскага РАНС правялі сустрэчу з хлопцамі i дзяўчатамi.
У ходзе сустрэчы старшы iнспектар ГПiУГ РАНС Іван Папоў правёў гутарку з дзецьмі, у якой нагадаў асноўныя правілы бяспекі жыццядзейнасці ў летні перыяд. Правёў пажарную віктарыну і распавёў пра часопіс «Юны выратавальнiк». Прысутныя паглядзелі мультфільмы з серыі «Чароўная кніга МНС». Таксама хлопцы пазнаёміліся з аварыйна-выратавальнай тэхнікай, паспрабавалі надзець на сябе баявую вопратку выратавальнікаў-пажарных, падаць ваду з дапамогай пажарнага ствала і пасядзелі ў кабіне пажарнай аўтацыстэрны. А ў канцы мерапрыемства ўсіх чакала сапраўдная асвяжальная водная феерыя ад выратавальнікаў.
Ст.інспектар ГПiУГ
Магілёўскага РАНС Іван Папоў