- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Бяспека - у кожны дом! Хоцімск
Дом у кожнага свой: утульная ўладкаваная кватэра або невялікі ўчастак з домікам і агародам. А вось для грамадзян, якія пражываюць у аддзяленні кругласутачнага знаходжання в.Забялышын, домам стала менавіта гэтая ўстанова. І хоць яны і знаходзяцца пад надзейнай аховай персаналу аддзялення, але ведаць правілы бяспекі і выконваць іх таксама павінны.
З мэтай папярэджання пажараў і гібелі людзей ад іх, начальнік Хоцімскага РАНС Вадзім Войцікаў наведаў аддзяленне кругласутачнага знаходжання для правядзення гутаркі з пажылымі грамадзянамі, якія пражываюць у ім.
Асноўнымі прычынамі ўзнікнення пажараў застаюцца неасцярожнае абыходжанне з агнём, парушэнне правілаў эксплуатацыі пячнога ацяплення і электраабсталявання. Нярэдка на пажарах гінуць пенсіянеры. Пра гэта і праінфармаваў прысутных Вадзім Васільевіч, прывеў у прыклад сумную статыстыку па рэспубліцы, па вобласці і па раёне ў цэлым.
У канцы гутаркі прысутныя атрымалі на памяць наглядную прадукцыю з правіламі бяспекі.
Інспектар ІніП
Хоцімскага РАНС Г.М.Куляшова