- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Бяспека - у кожны дом! Клічаў
Рэспубліканская акцыя " Бяспека - у кожны дом!" працягвае набіраць абароты. Першы намеснік начальніка Клічаўскага раённага аддзела па надзвычайных сітуацыях Сяргей Стрыгун выступіў перад работнікамі і пастаяльцамі ўстановы “Клічаўскі раённы цэнтр сацыяльнага абслугоўвання насельніцтва” “Аддзяленне кругласутачнага знаходжання грамадзян пажылога ўзросту і інвалідаў».
У ходзе выступлення Сяргей Стрыгун распавёў прысутным аб пажарах, якія адбыліся ў раёне, вобласці і па рэспубліцы. Адзначыў асноўныя прычыны іх узнікнення. Прывёў прыклады пажараў у раёне, на якіх загінулі людзі.
Выратавальнік нагадаў грамадзянам асноўныя правілы бяспекі пры эксплуатацыі пячнога ацяплення і электраабсталявання, алгарытм дзеяння ў выпадку ўзнікнення надзвычайнай сітуацыі, а таксама правілы карыстання першаснымі сродкамі пажаратушэння. Даў рэкамендацыі па бяспечных паводзінах пад час галалёдзіцы.
Падрабязна Сяргей Пятровіч спыніўся на мэтах і задачах рэспубліканскай акцыі «Бяспека – у кожны дом!", накіраванай на папярэджанне пажараў і гібелі людзей ад іх у жылым сектары, пры гэтым работнік РАНС адзначыў, што большасць надзвычайных сітуацый – гэта бестурботнасць і халатнасць саміх грамадзян.
У завяршэнні выступлення Сяргей Стрыгун адказаў на пытанні прысутных, раздаў інфармацыйныя памяткі МНС.
Інспектар ГПіУГ
Клічаўскага РАНС Ю.В.Караўка