- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Урок бяспекі. Магілёў
Незвычайны занятак па асновах бяспекі жыццядзейнасці прайшоў ў ДУА «Сярэдняя школа №45 г. Магілёва».
У актавай зале школы сямікласнікі сабраліся на «Урок бяспекі», тэмай якога стала «Эвакуацыя». Інспектар сектара прапаганды і ўзаемадзеяння з грамадскасцю Магілёўскага ГАНС Анастасія Рудкоўская распавяла дзецям правілы эвакуацыі, пасля чаго, разбіўшыся на каманды, самі школьнікі падчас правядзення брэйн-рынга і конкурсу па чарчэнні плана эвакуацыі дэманстравалі свае веды і па эвакуацыі і правілах пажарнай бяспекі.
Каманда-пераможца вызначылася толькі дзякуючы конкурсу капітанаў, спрытна апрануўшых баявую вопратку ратавальніка. Напрыканцы сустрэчы Анастасія Сяргееўна нагадала аб мабільным дадатку «МНС Беларусі: дапамога побач!».
Усе ўдзельнікі мерапрыемства атрымалі памятныя падарункі ад МНС і зарадзіліся бадзёрым настроем!
Спецыяліст СПУГ Магілёўскага ГАНС
В.М.Канарская