- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Прыступкі бяспекі. Магілёў
Выхаванцы ДУА «Яслі-сад № 11 г. Магілёва» кожны дзень ідуць па лесвіцы, якая сёння прыцягнула ўвагу хлопчыкаў і дзяўчынак сваім адноўленым выглядам. Усе жыва абмяркоўвалі налепкі, якія спецыяльна размясцілі ратавальнікі Магілёўскага гарадскога аддзела па НС на прыступках.
"Пяць крокаў ратавання" - гэта асноўная тэма, з якой работнікі МНС знаёмяць дзяцей, бо здароўе і жыццё малых напрамую залежыць ад ведаў, якія дарослыя ўкладуць у іх светлыя галовы. Налепкі дапамогуць асвяжаць гэтыя самыя веды кожны раз, калі малыя будуць ісці па лесвіцы з "бяспечнымі" прыступкамі.
Такія формы ўзаемадзеяння з насельніцтвам знаходзяць водгук, асабліва ў дашкольных установах адукацыі, дзе да любой інфармацыі, якую прадстаўляюць увазе дзяцей, падыходзяць крэатыўна.
Інспектар СПУГ Магілёўскага ГАНС
Сідарава В. В.