- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Канікулы без дыму і агню. Клічаў
Чарговы візіт у пажарную аварыйна-выратавальную частку №1 г. Клічава хлапчукі і дзяўчынкі з спартыўнага лагера «Надзея» дзяржаўнай установы адукацыі «Сярэдняя школа №2 імя Ф.І.Кавалёва» г. Клічава запомняць як мінімум на год, так як інспектар сектара прапаганды і ўзаемадзеяння з грамадскасцю Юрый Каравка падрыхтаваў для іх займальна-пазнавальную праграму.
Юным спартсменам удалося ўпершыню скарыць вучэбна-трэніровачную вежу, падняцца на другі паверх пры дапамозе лесвіцы-штурмоўкі, пераадолець 100 метровую паласу перашкод, здзейсніць пераправу праз непераадольны і вельмі глыбокі вадаём.
Кульмінацыяй візіту стала тушэнне імправізаванага пажару, па легендзе якога транспартны сродак патрапіў у ДТЗ і адбылося ўзгаранне, дзякуючы зладжанай рабоце юных спартсменаў агонь быў ліквідаваны за лічаныя хвіліны.
З такой цікавасцю і пазітывам хлопцы яшчэ ніколі не праводзілі свой вольны час, бо не кожнаму выпадзе магчымасць адчуць сябе, хоць і на імгненне, сапраўдным выратавальнікам.
Інспектар СПіУГ
Клічаўскага РАНС Ю.В.Караўка