- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Прыступкі бяспекі. Магілёў
Цяпер заняткі па асновах бяспекі жыццядзейнасці з навучэнцамі ДУА "Сярэдняя школа №45 г. Магілёва" і выхаванцамі ДУА "Яслі-сад №117 г. Магілёва" выкладчыкі могуць праводзіць у, здавалася б, не звычайным месцы. Гэта нечаканае месца для штудзіравання АБЖ Магілёўскія ратавальнікі зладзілі на ... лесвічным маршы! У гэтых установах адукацыі на прыступках лесвічных клетак размясціліся навучанні "5 крокаў выратавання!" ад Бабра - самага разумнага мультгероя навучальнага серыяла "Чароўная кніга".
Таксама маляўнічыя "крокі выратавання" з'явіліся і ў адміністрацыйна-дзелавым цэнтры «Атрыум». Для ўсіх жыхароў і гасцей горада, якія жадаюць наведаць цэнтр, на прыступках ад ратавальнікаў прадстаўлена інфармацыя аб сайце Міністэрства, напамін пра тэлефоны службы ратавання і дадатку "МНС Беларусі: дапамога побач".
З часам такія прыступкі бяспекі з'явяцца не толькі ва ўстановах адукацыі і гандлёвых цэнтрах, але і таксама ў бібліятэках, школах мастацтваў, установах культуры і іншых аб'ектах горада.
Старшы інспектар СПУГ Магілёўскага ГАНС
А. С. Чэркас