- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
«Брэйн-рынг". Магілёў
У рамках рэспубліканскай акцыі "Бяспека ў кожны дом!" курсанты Магілёўскага інстытута МУС Рэспублікі Беларусь прынялі ўдзел у інтэлектуальнай гульні "Брэйн-рынг".
Чатыры каманды "Агеньчык", "ДК", "Чайнікі" і "Пагарэльцы" адказвалі на пытанні па гісторыі пажарнай справы, аб бяспецы не толькі ў дамах, але і ў інтэрнаце і, вядома ж, па асновах бяспекі жыццядзейнасці.
У выніку інтэлектуальнага бою з невялікім адрывам перамагла каманда "Агеньчык". Удзельнікі гэтай каманды не толькі з азартам адказвалі на пытанні, але і спрачаліся са сваімі апанентамі.
Усе каманды атрымалі дыпломы і памятныя падарункі ад Магілёўскага гарадскога аддзела па надзвычайных сітуацыях. Тых, хто прайграў у займальным спаборніцтве знаўцаў бяспекі не было, бо галоўнае, што кожны атрымаў карысную інфармацыю і зарад добрага настрою.
Інспектар СПУГ Магілёўскага ГАНС
А. С. Рудкоўская