- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Выступілі ў працоўным калектыве. Клічаў
У рамках правядзення прафілактычнай работы, накіраванай на папярэджанне надзвычайных сітуацый, траўматызму і гібелі людзей ад іх, у тым ліку дзяцей работнікі раённага аддзела па надзвычайных сітуацыях выступілі перад супрацоўнікамі аддзялення па ахове аб'ектаў у г.Клічаў Бабруйскага аддзела Дэпартамента аховы МУС Рэспублікі Беларусь.
Пачаў мерапрыемства інспектар сектара прапаганды і ўзаемадзеяння з грамадскасцю Юрый Каравка са статыстычных дадзеных аб надзвычайных сітуацыях якія адбыліся у раёне і вобласці. Адзначыў прычыны, якія спрыяюць іх узнікненню. Прывёў прыклады пажараў з гібеллю, якія адбыліся на Клічаўшчыне ў мінулым годзе.
Юрый Уладзіміравіч давёў да прысутных асноўныя патрабаванні правілаў пажарнай бяспекі пры эксплуатацыі ацяпляльных печаў, агрэгатаў і электраабсталявання, нагадаў алгарытм дзеяння ў выпадку ўзнікнення надзвычайнай сітуацыі і правілы карыстання першаснымі сродкамі пажаратушэння.
У завяршэнні выступлення супрацоўнікам дэпартамента было прапанавана праглядзець навучальныя відэафільмы, акрамя гэтага ратавальнікі адказалі на ўзніклыя пытанні, нагадалі аб мабільным дадатку «МНС Беларусі: дапамога побач!» і ўручылі інфармацыйныя памяткі і ўлёткі МНС.
Інспектар СПіУГ
Клічаўскага РАНС Ю.В.Караўка