- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
З клопатам аб старэйшым пакаленні. Дрыбін
Інфармацыйна-сацыяльны цягнік «Клопат» з прафілактычнай і забаўляльнай праграмай наведаў вёскі Хасеўка і Першамайск Дрыбінскага раёна.
Разам з адміністрацыяй сельскага выканаўчага камітэта ў працы цягніка «Клопат» прыняў удзел інспектар сектара прапаганды і ўзаемадзеяння з грамадскасцю Дрыбінскага раённага аддзела па надзвычайных сітуацыях Аляксандр Іваністаў.
Асноўнай тэмай для размовы стала забеспячэнне пажарнай бяспекі ў домаўладаннях ў асенне-зімовы пажаранебяспечны перыяд. Інспектар завастрыў увагу на неабходнасці падтрымання ў супрацьпажарным стане сістэм ацяплення, электраабсталявання, а таксама падтрымання ў працаздольным стане аўтаномных пажарных апавяшчальнікаў.
Акрамя прафілактычнай гутаркі для вяскоўцаў быў праведзены міні-канцэрт з удзелам аднаго з музычных калектываў Дрыбіншчыны.
Інспектар СПіУГ
Дрыбінскага РАНС
Іваністаў Аляксандр