- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Дзецям аб бяспецы. Касцюковічы
Пазнавальныя ўрокі бяспекі для дзяцей і заняткі па пажарнай бяспецы для работнікаў ДУА "Яслі-сад №4 "Ручаёк" г. Касцюковічы " правялі работнікі МНС.
Свой візіт ва ўстанову работнікі МНС пачалі з урока бяспекі для дзяцей. Старшы інспектар ГПіУГ Рада Цімашэнка нагадала малышам нумары экстраных службаў, распавяла аб правілах «5 крокаў выратавання», расказала, якія могуць адбыцца надзвычайныя сітуацыі і як іх пазбегнуць, а таксама з хлопцамі былі праведзены гульні «Адкажы правільна» і «Небяспечна-бяспечна». Дзеці актыўна ўдзельнічалі ў гульнях, разгадвалі загадкі, збіралі «Чароўны пазл». За актыўны ўдзел малыя атрымалі наглядна-выяўленчую прадукцыю. У завяршэнні мерапрыемства хлопцы і дзяўчаты паабяцалі быць уважлівымі і асцярожнымі, заўсёды выконваць правілы пажарнай бяспекі.
Не засталіся без увагі і работнікі дзіцячага сада, якім работнік МНС распавяла аб становішчы з пажарамі і гібеллю людзей, асноўных прычынах узнікнення пажараў і правілах бяспекі. Нагадала аб правілах выкарыстання першасных сродкаў пажаратушэння і дзеяннях у выпадку ўзнікнення пажару, а таксама акцэнтавала ўвагу на недапушчальнасці пакідання дзяцей без нагляду.
Старшы інспектар ГПіУГ
Касцюковіцкага РАНС Рада Цімашэнка