МЧС Беларуси
МЧС Беларуси
Учреждение Могилевское областное управление МЧС Республики Беларусь
- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Наперад, юныя ратавальнікі! Клічаў
Работнікі Клічаўскага раённага аддзела па надзвычайных сітуацыях сумесна з прадстаўнікамі раённага Дома культуры правялі сярод хлапчукоў і дзяўчат, якія зараз знаходзяцца ў лагеры «Вольса», пажарную эстафету «Наперад, юныя ратавальнікі!».
Перад удзельнікамі і гледачамі выступіў інспектар групы прапаганды і ўзаемадзеяння з грамадскасцю Юрый Караўка, які адзначыў, што такія мерапрыемствы вельмі важныя не толькі для дзяцей, але і для дарослых. Прысутным была прадстаўлена магчымасць паказаць не столькі сваю добрую фізічную падрыхтоўку, але і веды ў галіне бяспекі жыццядзейнасці.
Удзельнікам эстафеты Юрый Уладзіміравіч патлумачыў, што каб перамагчы, трэба дзейнічаць не толькі хутка, але і дакладна выконваць умовы конкурсу і зладжана працаваць у камандзе. Пажадаў камандам перамогі, а гледачам - добрага настрою.
Каманды былі настроеныя толькі на перамогу, інтрыга захоўвалася да апошняга этапу. Нягледзячы на тое, што па балах перамогу атрымала адна з каманд, усе ўдзельнікі, у тым ліку і гледачы, атрымалі шмат пазітыўных эмоцый, а таксама асвяжылі свае веды ў галіне бяспекі жыццядзейнасці.
У завяршэнні мерапрыемства работнікі РАНС пажадалі хлопцам і дзяўчатам бяспечных канікул і моцнага здароўя. Нагадалі аб мабільным дадатку «МНС Беларусі: дапамога побач» і аб часопісе для дзяцей і падлеткаў «Юны выратавальнік».
Інспектар ГПіУГ
Клічаўскага РАНС Ю.В.Караўка
Будь готов
Другие новости
