МЧС Беларуси
МЧС Беларуси
Учреждение Могилевское областное управление МЧС Республики Беларусь
- Адреса и телефоны
- 212022, г. Могилев, ул. Лазаренко, 70
- (+375 222) 31-11-63
- (+375 222) 31-09-44
- mogilev@mchs.gov.by
Гарадскі злёт "Новае пакаленне-2019". Магілёў
На стадыёне пажарнай аварыйна-выратавальнай часці №1 ПАСА-6 на аб'ектах прамысловасці і энергетыкі г. Магілёва Магілёўскага ГАНС прайшоў гарадскі злёт юных выратавальнікаў-пажарных "Новае пакаленне – 2019".
Падчас спаборніцтваў юным выратавальнікам трэба было прадэманстраваць не толькі фізічную падрыхтоўку, але і паказаць свае веды ў галіне забеспячэння жыццядзейнасці і аказання першай медыцынскай дапамогі.
Спачатку школьнікі спаборнічалі ў конкурсе "Знаўцы АБЖ".
Двум прадстаўнікам ад кожнай каманды неабходна было вырашыць тэставыя заданні з вобласці забеспячэння пажарнай бяспекі і медпадрыхтоўкі.
Затым навучэнцы дэманстравалі свае навыкі ў страявой падрыхтоўцы. Суддзі ацэньвалі ўменне атрадаў рухацца строем, правільна перабудоўвацца, уменне камандзіраў падаваць каманды, а таксама якасць іх выканання членамі атрадаў.
Удзельнікі прадэманстравалі свае ўменні ва ўсталёўцы палаткі на час, а таксама паказалі ўменні працаваць у камандзе, выконваючы баявое разгортванне.
Па выніках спаборніцтваў месцы размеркаваліся наступным чынам: трэцяе месца заняла каманда ДУА "Сярэдняя школа №35 г. Магілёва", другое месца ўзялі вучні ДУА "Сярэдняя школа №19 г. Магілёва". А лепшымі юнымі выратавальнікамі-пажарнымі горада Магілёва сталі дзеці з каманды ДУА "Сярэдняя школа №39 г. Магілёва".
Зараз двум лепшым камандам трэба будзе яшчэ больш старанна рыхтавацца, каб абараніць гонар горада на занальным злёце юных выратавальнікаў-пажарных.
Інспектар СПУГ Магілёўскага ГАНС
Анастасія Рудкоўская
Будь готов
Другие новости
